Horae Belgicae


¶ Nr. 113. 1.[regelnummer] Criste du biste licht ende dach, voor di sich niemant verberghen en mach. een licht van licht men di verstaet, een salich licht ghi ons verclaert. 2.[regelnummer] Ic bidde di, heilighe here di, in deser nacht behoede mi! in di so si die ruste mijn, laet ons desen nacht in vreden sijn! 3.[regelnummer] Verdrijft des swaren slapes vrist, gheeft ons te ontgaen des viandes list, dat vleische dat suver ende reine si, so stae wi sware sorghen vri! 4.[regelnummer] Nu slapet oghe sonder leit! dat herte waket in stedicheit. bescherme ons godes rechter hant, verloost ons van der sonden bant!
[pagina 230]
5.[regelnummer] Beschermer alre kerstenheit, dijn hulpe sterc si ons bereit! nu helpet ons here uut alre noot door dijn heilighe vijf wonden root! 6.[regelnummer] Ghedenke here der sware tijt die in den live ghevanghen leit der sielen die du hevest verloost, der ghevet, lieve heer, uwen ewighen troost! 7.[regelnummer] Des vaders cracht, des sones const, des heilighen gheestes goede gonst hebt lof ende eer ende weerdicheit door dijn onghemeten ewicheit! B. 61. - Übersetzung des Hynmus: Christe, qui lux es et dies, s. Mone, Lat. Hymnen 1. Bd. Nr. 70. - Hs. 5, 4. wyf - 6, 2. licht - 7, 1. const (list).