De Psalmen Dauids

Het Christelijc Ghelooue. D.M.L.

1

VVy gheloouen in eenen Godt alleyn
Schepper Hemels end' der Eyrden,
Onser alder Vader gemeyn,
Hy laet ons zijn kinders weyrden
End' wil ons altijt gheneyren,
Lijf end' siel ooc wel bewaren,
All' ougheual wil hy weyren,
Gheen leet sal ons tegen-varen,
Hy sorcht voor ons, hoet end' hout wacht:
Het staet alles in zijnder macht.

[p. 47]

2

Wy gheloouen aen Christum van ghelijc,
Sijnen Soon end' onsen Heere,
Die eewich is in s'Vaders Rijc,
Ghelijc Godt van macht end' eere,

Van Maria Maghet reene

Is hy ware Mensch' gheboren,
Door den heyl'ghen Gheest alleene:

Voor ons, die waren verloren

Aen t'Cruys ghestoruen: Vander doot
We'er verresen door Godts macht groot.

3

Wy Gheloouen aen-den heyligen Gheest,
Godt met den Vader end' Soone:
Die de bloode maect onbevreest,
End' verciert met gauen schoone:

De heel Christenheyt daerneuen

Houdt hy eensinnich verheuen:
De Sonden worden vergheuen,

Het vleesch sal ooc weder leuen,

Na dees' Ellend' is ons bereyt
Een leuen inder Eewicheyt.