Christelicke gesanghen, ghetrocken uyt het Oude ende Nieuwe Testament

'Tghelooff:

Op de wyse van den VIII. Psalm.

'K Gheloof in God, die't al vermagh den vader
Die hemel, aerd' end' ons schiep allegader.
In Iesus oock zijn eenghebooren kind
Van hem ghesalft, ons Heer die ons bemint:

Ontfanghen uyt den Geest der prophetie:

Gheboren uyt de reyne maeghd Marie:
Dien Pontius Pilatus lijden dee',
So dat hy is ghekruyst ghestorven mee',

In't graf geleyt, als t'hellewaert ghesegen,

Maer 'sderdendaegs weer levend' opgestegen,
Ten hemelwaert ghevoert, gheseten by
Zijns vaders Gods Almachtigh rechterzy,

[p. 27]

 

Van waer hy weer sal comen vonnis gheven

 

Aen allen die of dood zijn of noch leven.

 

Oock in den geest die werct al 'theyligh werck:

 

Ende datter is een alghemeyne kerck:

 

Dat d'heyllighen te samen zijn ghebonden:

 

Vergiffenis gheloof ick van de sonden:

 

'Topstaen des vleeschs: een leven sonder pijn

 

Ende sonder end': ja Amen 'tsal so zijn.