Den Sendtbrief Pauli tot den Romeynen
(1582)–Johan Fruytiers–
Auteursrechtvrijop stichtsanghen gheset
[Folio C4r]
| |
Den veerthienden stichtsanck, op de wijse van den 9. Psal. Heer ick wil v wt sherten, &c. 1 GOd heeft zijn volck verworpen niet,
2 Dat hy te voren kende: siet
Wat van Helia spreect schriftuere,
Bedroeft zijnde ter selfder ure.
3 Heere sy hebben hier ghedoot
De Propheten: en wt gheroot
Vwe altaren daer beneuen,
Ick ben alleen ouer ghebleuen.
4 VVat antwoort is tot hem gheschiet,
Noch seuen duysent mans ick liet,
Die haer knien niet hebben gheboghen
Voor Baals beelt [hooch op ghetoghen.]
5 Diesghelijcx is tot deser tijt,
Een ouerblijfsel hier gheurijt
Door God die hen niet en versmade,
Na de verkiesingh' der ghenade.
6 Ist wt ghenad' so ick aenmerck,
| |
[Folio C4v]
| |
So en ist dan niet wt het werck,
Anders so en can oock door desen,
Ghenade gheen ghenade wesen.
Ist dan hier door wercken volbrocht,
So heeft ghenade niet ghewrocht:
Anders en is het werck [ghebleken]
Nv gheen werck alsmen recht sal spreken.
7 Dat Israel hier heeft ghesocht,
Vercreegh hy niet, maer onbedocht
Ist van vercoorne hier vercreghen,
D'ander bleuen verhart daer teghen.
8 Ghelijck schriftuere ons verclaert,
God gaf haer eenen gheest beswaert,
Ooghen op dat sy niet en saghen,
Ooren sonder tghehoor [tzijn plaghen.]
9 Haer tafel werde hen daer op,
Tot eenen strick en eenen strop,
Oock erghernisse [diep om gronden]
En tot vergeldinghe der sonden.
10 Haer ooghen die laet werden hier
Verduystert [door haer quaet bestier]
Op dat sy hier niet sien en moghen,
Den rugghe sy altijt gheboghen.
11 Struyckelden sy hier dan alleen,
Op dat sy vallen souden? neen:
Maer door tmisvallen vanden Joden,
Is salicheyt hier aen gheboden
Den Heydenen, daer sy op strect,
Op dat elck Jode wert verwect
Hen na te volghen int ghelooue,
[Ende in Gods woort niet sy dooue.]
12 Is haren val der werelt schat,
| |
[Folio C5r]
| |
Doet haer verminderinghe: dat
Den Heydenen rijckdom can comen,
Hoe wert veruullingh' dan ghenomen?
13 Den Heydenen seg ick dit claer,
So verre ick ben hen dienaer:
Op dat ick mijn Ga naar voetnoot†vleesch trecken soude,
En eenighe van hen behoude.
15 VVant ist dat haer verworpingh' hert,
Tswerelts versoeninghe hier wert,
Wat is dan t'aennemen en nooden,
Anders den tleuen wt den dooden?
16 Sijn d'eerstelinghen heylich dan,
De maffe oock sulcx wesen can:
Want is de wortel hier nv heylich,
So oock de tacken [nv onueylich.]
17 Ist dat sommighe tacken zijn
Ghebroken, en op dit termijn,
Ghy zijt ghegriffijt in die stede,
En tsbooms vet zijt deelachtich mede.
18 So en wilt v beroemen niet,
Want doet ghy dat: dit vry doorsiet,
Ghy draecht de wortel t'gheenen daghen,
Maer de wortel die moet v draghen.
19 Segt niet sy braken [tot ghewin]
Om my te griffien daer in:
20 Dus cost hier onghelooue treffen:
Vreest, maer en wilt v niet verheffen.
21 Spaerde God niet tsnatueren aert,
Siet toe dat ghy niet wert ghespaert.
22 Daeromme siet wel in met vroetheyt,
Gods strengicheyt ende zijn goetheyt.
Strengicheyt op den Joden nv,
| |
[Folio C5v]
| |
En goedertierenheyt op v,
So verd' ghy blijft in vast betrouwen,
Anders wort ghy oock af ghehouwen.
23 Ende sy sullen niet der daet
Verlatende tongheloof quaet,
Weer inghegriffijt worden crachtich,
Want diese griffijt is almachtich.
24 So ghy van eenen boome wilt,
Ghehouwen zijt: en goetheyt milt
V stelt inden olijfboom pure,
Hoe veel meer diet zijn van natuere.
| |
Den vijfthienden stichtsanck, op de wijse van den 50. Psalm: God die der Goden, &c. 25 ICk en wil niet dat v sy onbekent,
Dese verborghentheyt mijn broeders ient,
Op dat ghy daer door niet hoochmoedich zijt,
Hier by v seluen tot eenigher tijt,
Ga naar voetnoot† t'Joden verhardingh' is eensdeels ghecomen,
Tot dat sHeydenen volheyt wort vernomen.
| |
[Folio C6r]
| |
26 Ende also sal theele Israel
Ghesalicht worden als de schrift tuycht wel:
Siet de Verlosser coemt wt Sions [tent]
Die der godloosheyt hier van Jacob went.
27 Dit is tverbont van my met hen verbonden,
Als ick heb wech ghenomen al haer sonden.
28 So zijn sy dan vyanden na Gods Ga naar voetnoot‡ woort,
Om uwent wille als nv rechte voort:
Maer na tverkiesen [siet weer dit gheschil]
So zijn sy lief om der Vaderen wil:
29 Want Godes gauen ende roep vol trouwen,
En connen hem doch nemmermeer berouwen.
30 Ghelijck ghy voortijts onghehoorsaem waert,
Ende ghenade v nv openbaert
Door onghehoorsaemheyt seer onbequaem,
31 So werden sy oock hier onghehoorsaem,
Op dat sy door v onbermlijcke dade,
Oock weder souden crijghen Gods ghenade.
32 VVant God die alle menschen heeft bereyt,
Beslootse al onder ghehoorsaemheyt,
Op dat hy allen sou barmhertich zijn.
33 O diepe rijckdom, wijsheyt, kennis fijn,
Hoe onbegrijplijck ist oordeel gheleghen,
Hoe onbeuindelijck zijn uwe weghen?
34 VVie heeft hier oyt bekent des Heeren sin,
Oft wie was zijn raetsman van aen begin,
35 Oft wie heeft hem hier oyt ghegheuen yet
Het welcke dat hy onuergolden liet?
36 Want tis al wt hem, door hem, tot hem mede,
Hem sy de heerlijckheyt in eewichede.
|