Ecclesiasticus of de wijse sproken Iesu des soons Syrach. Nu eerstmael eurdeelt ende ghestelt in Liedekens, op bequame en ghemeyne voisen
(1565)–Johan Fruytiers–
AuteursrechtvrijInhoudt van het LI. Cap.Het lof Jesu Sirachs schoon bouen maten, T crachtighe bystant Godts hy leerende verhaelt, De wijsheyt prijst hy te beminnen alle staten. Die sijn leer in als volght seer selden dwaelt. | |
Het CXIIII. Liedeken op de vvijse, O Godt vvy dancken dijnre, &c. ICk danck v Heer mijn Coninck ende Heylant// Ga naar margenoot+
Eewich soo loof ick uwen name//
Want ghy my hebt ghedaen bijstant// Ga naar margenoot+
En voor verderf beschermt bequamt//
Van valsche tonghen en loghen mont// Hebt ghy my oock
verlost terstont// Van mijn vianden te same//
| |
[pagina 212]
| |
te sa me.
Ghy hebt my na v groote barmherticheyt
Verlost van die my wouden op eten,
En hebt my wt des viants hant gheleyt
Ga naar margenoot+ Die my oock anders hadden verbeten,
Ga naar margenoot+ Wt droeffenis daer ick inne lach,
En brant diemen rontomme my sach,
Holpt ghy my seer hooch gheseten.
Al wt der hellen diepen hals
Van clappaerts ende lueghenaren,
Die voor den coningh loeghen in als,
Van onrecht oordeel wout ghy my sparen,
Ick was den dooden gans na by,
Mijn leuen dat was schier van my
En ter hellen gheuaren.
Ick was omringht, en heb hulp ghesocht
Aen menschen, maer en heb gheen gheuonden,
Doen heb ick op v mijn Godt ghedocht,
Wiens ghenade diep is om gronden,
Want wie op v hier wachten cost,
Die hebt ghy altijt wel verlost,
Hulp hebt ghy haer ghesonden.
Ick badt teghen haer grimmicheyt o Godt,
En smeecte om verloste te wesen
Al van der doot, en ghy Heere Zebaot
Verliet my niet in alle desen,
En als de stoute pochten seer
En ick gheen hulp en hadde meer,
Soo heb ick uwen naem ghepresen.
Daerom soo danck ick v wt alder cracht
Want mijn ghebet is niet verschouen,
Ghy hebt my oock verlost en wel ghewacht,
Door v hulp quam ick tquaet te bouen,
| |
[pagina 213]
| |
Dijs sal ick met mijn cleyn gheclanck
V altijt tselfde weten danck,
En van herten hier louen.
|
|