Diversche liedekens
(1574)–Matthijs de Castelein–
Auteursrechtvrijop den zeluen voys.HOe lustelick bloeyen alle dinghen,
De bloemkins spruyten verre ende naer:
Dat tswinters tijt treurt hoortmen nu zinghen
Elc voghel zouct nu zijn wederpaer:
Dus aenschijn claer,
Schoon lief eerbaer
Die my doet druck en droefheyt lyden,
Ueur al mijn pyne int langhe iaer,
Alst al verheught, laet my verblyden.
Soo wie zijn schoon lief heeft wtuercoren,
Ende souct die te menigher stondt,
Hoe veel voetstappen gaet hy verloren?
Hier by is v mijn liefde condt:
Dus rooden mondt,
Dijns herten grondt,
Uermurwet wat, als mijn vriendinne,
Tooght dat ghy my dijn liefde iont,
Jck sal v tooghen goede minne.
Dijn minne doedy my hert verghelden,
Niet min ghy weghet die my dat doet:
Och lacen vind’ v veel te selden
| |
[pagina 41]
| |
Maer als ick v vind’ ick vind’v goet:
Dus aenschijn zoet,
Reyn edel bloet,
Jck hope bet, met Smeys saysoene,
Ghy weet, als draechdy hooghen moet,
Deen lief behoort dander vriendtschap te doene.
Adieu dalder schoonst van alle wyuen,
Clachtich maect ghy my thenden raet,
Altoos wil ick v ghetrouwe blyuen,
Uerlaet my toch niet mijn toeuerlaet:
Leeft ghy naer staet,
En peyst gheen quaet,
Alst dus verre is, schoon lief ghepresen,
Dberou comt laete naer de daet:
Dus laet ons tsamen vrolijck wesen.
|
|