Het gheestelyck blom-hofken van Bethleem

[p. 16]

Slaep-Liedeken.
Waer door Philothea een herderinneken komt het kintjen Jesus, ligghende in't kribbeken, in-slaep singhen.

Op een nieuwe stemme als volght.

Cantus.

HAd ick een be- quame tongh, Oft een keltjen

dat wel songh; om vreught te vermeeren, Jck sou met een
soete tael, Als den fieren nachtegael, Soecken Godt te
ceren. Jck sou

[p. 17]

Bassus.

HAd ick een bequame tongh, Oft een keltjen

dat wel songh; Om vreught te vermeeren, Jck sou met een

socte tael, Als den fieren nachte- gael, Soecken Godt te

eeren. Jck sou

[p. 18]

1.

 

HAd ick een bequaeme tongh,

 

Oft een keeltîen dat wel fongh,

 

Om vreught te vermeeren:

 

Jck sou met een foete tael

 

Als de fieren Nachtergael,

 

Soecken Godt te eeren.

Want mijn liefde onbeschaemt

Die mijn vierigh herte praemt,
Doet my lustich singhen,
Wie is doch die heeft de macht
Om te weder-staen haer kracht,
Wie kan haer bedwinghen?

Let u mijne rouwe stem,

Kindeken van Bedleem,
Wilt dan haestigh slaepen:
Want soo ghy wel kont verstaen
Hierom ist het my ghedaen
Dat ghy rust sond' raepen.

Liefde doet my singhen dús,

Sus mijn herteken, sus sús,
Slaept mijn uyt-verkoren;
Slaept ô Maeghdelijcke Vrucht
Slaept die sonder pijn oft sucht
Voor ons zijt gheboren.

[p. 19]

5.

 

Sus dan ghy goeyliekens al,

 

Die hier komen inden stal,

 

Sus laet u niet hooren,

 

Sus bid' ick en roert u niet,

 

Soo Daer wat gheruchts gheschiet

 

Den slaep is verlooren.

Herders, Herderinnekens,

Soete Godts vrindinnekens,
Sult ghy konnen swijghen?
Wordt het Jesuken ontwaeckt
Door t'gheluyt dat ghylie maeckt
Men salt u aentijghen.

Haentîens die ons doet vermaen,

Hoe des s'nachts de uren slaen,
Siet u te vertrecken:
Wilt niet krayen soo ghy pleeght,
T'waer nu beter dat ghy sweeght:
Ghy soud' t'Kindt ontwecken.

Os en brult niet, moe, moe, moe;

Houd' den muyl ghy Esel toe,
Siet hier-op te passen:
Grooten lobben schepers-hont
Houd' u back-huys swyght terstont,
Men mach hier niet bassen.

[p. 20]

9.

 

Schaeptîens laet u bleeten staen

 

Oft en komt niet naerder aen

 

By dit lieve schaepken,

 

Dat waeckt over Jsrael;

 

Onsen Godt Emanuel,

 

Breckt niet sijn kleyn slaepken.

Jesu t'is nu al ghestilt

Rust nu soetjens soo ghy wilt;
Wilt u ooghskens luycken:
Recht ghelijck de rooskens doen,
Als de son verlaet het groen
En gaet onder-duycken.

Slaept dan, slaept onnoosel lam,

Slaept ô blom van Jesse-stam,
Slaept naer u behaeghen;
Slaept die nu mijn siel verheught,
Slaept des Maeghet hooghste vreught
Die u heeft ghedraeghen.

Slaept mijns liefdens vier en vlam,

Slaept die my mijn hert ont-nam,
Slaept die my doet rusten:
Slaept des mensche hooghste goet,
Slaept die d'Enghelen aendoet
Eeuwighe wellusten.

[p. 21]

13.

 

Engheltjens die ons aenbrochten

 

Het gheluck van desen nacht,

 

Komt wat neder vlieghen:

 

Stelt u by het soetste Kint

 

Dat mijn siel soo seer bemint

 

Komt helpt my dat wieghen.

FINIS.