Afrikaanse volksliedjies. Deel 2. Minneliedjies

48. ‘Liedjie van verlange’.

Hier het ons 'n brokstukkie van 'n liedjie van verlange.... waarvan in hoofsaak alleen die refrein, wat blykbaar die

[p. 157]

hoofgedagte bevat, bewaar gebly is. Die eienaam, Sarie Maree, sal waarskynlik ook maar, nes in die ander volksliedjies, 'n algemene nooiensnaampie wees, soos Pollie, Kittie, Antjie, e.a.

Lokale kleur word aan die liedjie gegee deur die plekbepaling, ‘Mooirivier’ en die ‘Transvaal’ maar.... en hierin lê gedeeltelik al weer die volkskunstige daarvan.... in die Vrystaat heet dit: ‘O, bring my terug na die ou Vrystaat!’

Sa-rie Ma-ree is nou weg van my sy, Om haar

nooit weer trug te sien. Sy het in die wyk van
die Mooi-ri-vier ge-woon, Vóór-dat die oor-log het be-gin.

Refrein.

O bring my trug na die ou Trans-vaal, Daar waar my lief-

ste woon: Daar tus-sen die mie-lies en die geel ko-ring land;

En daar, waar my Sa-rie woon.

[p. 158]

Refrein: -

 

‘O, bring my terug na die ou Transvaal! (2 maal)

 

Daar waar my liefste Sarie woon;

 

Daar onder aan die Mooirivier by die geeldoringboom,

 

Daar woon my Sarie Maree.’

Variante: -

‘O, bring my terug na die ou Vrystaat! (2 maal)
Daar waar my liefste Sarie woon;
Daar tussen die mielies en die geelkoringland.
En daar, waar my Sarie woon.’

(Mondelinge oorlewering).

Aantekeninge: -

1. Ons het as 'n soort van kuriositeit by ‘Antjie Schut’ aangegee die Afrikaans-Hollandse lied: ‘Ziet gij daar die blauwe bergen?’ (vgl. B, 18), en die volgende staaltjie sal hier miskien ook nie van belangstelling ontbloot wees nie. Tydens die Rebellie van 1914-'15 werd deur die weigeraars (‘shirkers’), wat op Upington geïnterneer werd, spontaan die volgende liedjie gemaak, onder die invloed van die liedjie hierbo: -

‘En altyd was sy bang,
Dat die kakies my sou vang,
En my oor die grootvlei stuur;
Nou sit ek in die kamp,
In ou Upington se kamp,
Hier langs die Groot Rivier.’

Refrein: -

‘O, bring my terug na die ou Transvaal!’ ens. soos bo.

[p. 159]

2.

 

‘Verlossing het gekom,

 

En die huistoegaan is daar.

 

En terug na die ou Transvaal,

 

Haar lieflike persoon

 

Sal seker ook daar wees

 

Om my met 'n kus te groet.’