Het gulden cabinet van de edel vry schilderconst

Carolus de Malleri
Plaet-snijder in't cleyn.

DEn snellen omme-treck van Konst in't cleyn begrepen
Bethoont hier hoe t'verstant, oft gheest moest sijn gheslepen

Van Carel Malleri met sulcken aerdigheydt

Te brenghen voor den dach, in overvloedigheydt,

Vol nette suyverheyt en wondere ardtseringh
Waer uyt ghesoghen wordt veel nieuw en vremde leeringh

Om dat al even reyn en vol volmaecktheyt steckt

Daer gheene Konst oft gheest in't minsten in ontbreckt.

[p. 457]

 

Den ed'len Heer Calot, heeft sulcken Konst doen blijcken

 

Dat niemant op de plaet en is by hem te g'lijcken,

 

Door al de cleynicheyt, t'gen, wijckt schier uyt t'ghesicht,

 

Dat hy seer wonder wist te brenghen in het licht,

 

Gheetst in taeyen wasch en daer naer door ghebeten

 

Van stercke wateren, die haestich sijn versleten,

 

Maer hier in teghendeel thoont Malleri de kracht

 

Van't yser, dat op plaedt sijn Konst maeckt hooch gheacht.