Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij202. Een ander.UErblijt nv alle ionck ende oudt
Wilt danckbaer wesen
Want die oude wet als winter cout
Is nv verdreuen
Al door den Mey vol ruecken soet
Die ons belooft was door den Propheten
Uan den Uader bouen
En tlant veruult met zijnder duecht
Ende oock verhuecht//dus wilt hem louen.
Wy laghen al in duysternisse fel
Door Adams bestieren
Maer den Mey met sinen ruecken wel
Brocht ons wt sdoots duwieren
| |
[Folio Aa2r]
| |
Sonde Duyuel ende doot
Heeft Cristus
verwonnen als Mey aent cruyce bloot
Ga naar margenoot+
Uoor zijn
wtuercoren
Op dat wy menschen in dit dal
En souden al//niet zijn verloren.
Den lustelijcken Mey Christus playsant
Wilt elck versinnen
Die wt liefden heeft vaylliant
Ghebloeyt wt minnen
Aen thout des cruys bloot ende naect
Heeft hy ghehanghen bloedich mismaeckt
Met sinen wonden
En afghewasschen
suyuer en claer
Ga naar margenoot+
Met zijn bloet
dierbaer//ons onreijn sonden.
Wt desen Mey veel
vruchten groeyt
Ga naar margenoot+
Seer edel en diere
Ende wt hem soet water vloeyt
Compt al tot dees ryuiere
Wie daer af drinckt met gheloof oprecht
Uan dien sal vloeyen als schriftuer secht
Leuende water
reene
Ga naar margenoot+
Hy sal verblyden den eewighen tijt
Ende zijt beurijt//van alle gheweene.
Dus blijft ghy vercoren dierkens reijn
Aen desen Mey ghenadich
En vreest gheen wilde dieren vileijn
Wt den wilden bosch moordadich
Al comen si stout en wiltse niet ontsien
Christus den Mey die sal ons wel beurien
Wilt hem aencleuen
Die
croone van glorie fijn
Ga naar margenoot+
Sal uwe zijn//int eewich leuen.
Prince desen Mey int herte prent
Die neder quam ghesoncken
Wt zijn glorie als Mey present
En wt liefden ons gheschoncken
Sijn bitter Passie bloet ende sweet
| |
[Folio Aa2v]
| |
Die hy ootmoedich als een lammeken leet
Wilt desen dranck nv drincken
Met een heylich gheloof ghy sult met virtuyt
Als Christus bruyt//gelorieus blincken.
|
|