Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij124. Na die wijse. My minde een ruyter dat was waer.ICk bidde v Heer dat ghi mi bijstaet
Helpt mi soo en vreesick niet hoet ghaet
Al versteect my die weerelt quaet
Mijn toeuerlaet//soo sult ghy zijn
Op elck termijn
Uerlost my Heere duer v goddelijck aenschijn.
Uander weerelt waert ghehaet oock ghy
Wie v oprecht volghen sal wie dat si
Uan sweerels haet en is hy niet vry
Dus segt elc fij//en wiltse vlien
Tot allen termijn
De weerelt en die in haer verblien.
Gods rijck en is van deser weerelt niet
Hy belooft de zijne hier tswaer verdriet
Maer naemaels sullen si een vrolijck liet
| |
[Folio P5r]
| |
Soo ons bediet//schriftuere schoon
Uoor haeren loon
Singhen metten Lamme inden hoochsten troon.
Hoe mach yemant wesen soo dwaes
Dat hy om een verganckelijck aes
Uerliesen wilt deewich solaes
Tghelooue is schaers//in hem diet doet
Kiesen onuroet
Sweerelts ghenuchte voor dat eewich goet.
Soo wie dat ghelooue heeft oprecht
Dwelck door Gods liefde vromelijck vecht
Hy en sal niet achten wat de weerelt segt
Maer als goet knecht//Godt volghen naer
Sijn woort voorwaer
Belijden den menschen vry sonder vaer.
De liefde is ter weerelt cout
Dat machmen mercken aen Ionck ende out
Die sonde regneert nv menichfout
Int quaet seer stout//in duechden bloot
Lutter deuoot
Helpen hueren naesten wtter noot.
Die weerelt is nv
in boosheyt ghestelt
Ga naar margenoot+
Den eenen mensche den anderen quelt
Dat hy niet en weet wat menich relt
De liefde smelt//aen elcken cant
De menschen want
Oordeelen elcken na haer verstant.
Wy beniden deen des anders gheluck
Deen iaecht den anderen inden druck
In quaet beseghen wy menighen truck
Wy gaen seer cuck//groot ende cleen
Fraey int verleen
Oorloef aen elcken als ick moet scheen.
|
|