Veelderhande schriftuerlijcke liedekens


16. Na die wijse. vanden Samaritaen. BRoeders die nv gheroepen zijt Ondersoeckt die schriftuernis nv den tijt Wildy wesen Gods wtuercoren Soo [maeccy] al na den water subijt Al na den gheest int eertsche crijt Met Christum zijn nieu herboren Wten water herboren willet baten Dat wy ons sondich leuen moeten laten Na dat wy die kennisse hebben ontfaen En wandelen soo voorts in allen staten Al na den gheest, en het sal ons baten En des viants stricken sullen wy ontgaen. Ten [gheeuet] noch wet noch besnijdenisse puer Anders om alleen eenen nieuwen creatuer Ghelijck ons Paulus heeft bescreuen Den ouden Adam moet steruen met zijn natuer Souden wy verrysen met Christum na scriftuer Met den Heere in vruechden leuen. Die sonden en moghen wy onderdanich bliuen Soude die vereysenisse in ons beclyuen En leuen met Christum in vreden Soo moeten wy alle boosheyt van ons drijuen Die wet Gods al in ons herteken scryuen Weest vierich in alle v ghebeden. Wat batet schriftuere ghelesen fijn Als wy daer duere niet ghebetert en zijn Hoe derren si dat [pont] aenueerden Sy en doen gheen profijt tot gheenen termijn
[Folio C3v]
Dus wil hen naken die eewighe pijn Ga naar margenoot+ Sy begrauent pont inder eerden. Die ons dit Liedeken heeft ghestelt Met den ouden Adam was hy also seere gequelt Bidt voor hem tot allen tijden Op dat die liefde Gods in hem toch niet en smelt Maer zijn herteken tot sinen naasten helt Soo mach hy hem hier na verblyden.	margenoot+ Mat.xxv.