Sommighe psalmen ende ander ghesanghen die men in die Christe ghemeynte in dese Nederlanden is gebruyckende



[fol B2v]
¶ Den C.xxviij. Psalm. Beati omnes qui timent Dominum. ☞ Hoe datmen Godtsalichlick ende gheluckelic inden Houwelicken staet sal moghen leuen. SAlich is hi bedeghen So wie den Heere vreest Ende wandelt in sinen weghen Rech[t]sinnich inden Gheest Den arbeyt uwer Handen V wel sal connen voen En sult in alle standen. Spoedich zijn in v doen. V Wijf sal vruchtbaer wesen Als Wijnstocken vruchtbaer Die dijnen Huyse aencleuen So sullen oock voorwaer V Kinderen becliuen In groot ghetal ghesont Als planten van Oliuen Ouer v Tafel ront. So sal bespoedicht wesen Die Godt ten rechten dient Wt Syon God ghepresen V salich maken wilt Op dat ghi ghansch v leuen Tvoorspoet Hierusalem
[fol B3r]
Aenschout, en daer beneuen Godt prijst met hert en stem. En sult wt uwen sade Dobbel gheslachte sien In Israhel ghenade Ende vrede bouen dien V si o Heer ghepresen Lof inder eeuwicheyt Gheeft dat wi moghen wesen Tot uwen dienst bereyt.