Sommighe leerachtighe geestelijcke liedekens

De ses en veertichsten Psalm Davids.

God is onse toevlucht^a
Hulp ende stercke crachtich
In nooden en ghesucht,
Die ons gheraken machtich,
Dit al ghedachtich,
So zijn wy niet belaen,
Al saghen wy vergaen,
De werelt clachtich,
En dat in der zee gront,
Berghen soncken terstont.
2^b Al raesde schoon de zee,
En wentelde beneven,
Dat door des tempeests wee,
Berghen hooghe verheven,
Niet staende bleven,
^c So sal Gods stadt eerbaer
Met haer fonteynen claer,⁺
Staen sonder sneven,⁺
Daer de wooninghen fijn,
Des alderhoochsten zijn

a Ps. 46. 5.

b Ps. 46. 4. ende 93. 3.

c Ps. 46. 5.

+ Heb. 12. 24.

+ Apo. 3. 12.

[p. 556]

 

^d God is binnen by haer,

 

⁺ Daerom salse beclijven,

 

⁺ Hy helpt haer vroech voorwaer,

 

De heydens moeten blijven,

 

Vertsaecht als wijven,

 

de Coninckrijcken groot

 

Moeten oock vallen bloot,

 

Als hy wil kijven,

 

Het hertrijck niet bestaet,

 

Maer alst hem hoort t'vergaen.

 

4^e De Heere Zebaoth,

 

Is met ons wijs beradich,

 

daer toe oock Iacobs God,

 

die beschout ons ghenadich,

 

Herrewaerts ghestadich,

 

Wilt comen ende sien,

 

Hoe Gods wercken gheschien,

 

die wonderdadich,

 

Hier op aerden seer licht,

 

Sulck verstoren aenricht.

 

5^f Die de Oorlooghen stiert,

 

In al des werelts ronde,

 

Gheen booghen hy en viert,

 

Maer breecktse heel te gronde,

 

Met sijnen monde,

 

Slaet hy spiessen ghemeyn,

 

In stucken groot en cleyn,

 

In corter stonde,

 

Waghens aen elcken cant

 

Hy oock met vyer verbrant.

d Ps. 46. 5.

+ Io. 14. 23.

+ Apoc. 21. 3.

e Ps. 46. 8.

f ps. 46. 10. ende 76. 4.

[p. 557]

 

6^g Weset stil en bekent,

 

Dat ick ben God de Heere,

 

Ick wil inlegghen jent,

 

Onder de Heydens eere,

 

Met snellen keere,

 

Wil ick inlegghen wijs,

 

Op aerden eere en prijs,

 

Voor mijn volck teere,

 

D'Heere Zebaoth strijdt,

 

Iacobs God ons bevrijt.

g ps. 46. 11.