Schriftuerlicke liedekens met noch sommighe lofsangen ende ghebeden

[Ick sucht en schrey nacht ende dach]

Na de wijse: Mach ick ongheluck niet wederstaen.

ICk sucht ^aen schrey nacht ende dach
Met groot gheclach
Wt gantschen gront mijn herten
O God ^bwilt mijns ghenadich zijn
Om den ^cName dijn
Gheneest my alle mijn smerten
Ick ben ^ddoorwont
Met menigher font
Der sonden aert
Haer ^eseer verclaert
In my met ^fquade perten.

Als ick mijn leven wel beschou

Seer grooten rou
Die moet ick daer ^gwt vaten
Och lieve Heer God, wat mijns gheschiet
Wilt ^hwreken niet
Mijn boosheyt boven maten
Sy maken my
Te ⁱmale onvry
Heer met u gnaet
Voorts by my staet
Mijn boosheyt wil ick laten.

Aen mijnder hert gheen troost geschien

Waer ^ksal ick vlien
Heer God ^lvoor uwen toren
Coemt my u ghenade niet te baet
Om mijn misdaet
Blijf ick eewich verloren
Ter hellen gloet
Ick sincken moet
In swaer torment
Al sonder ent.

a Psa.143.1.
Psa.39.13.

b Luc.18.13. 28.39.

c Psa.51.

d Rom.7.14.

e Gene.6.5.

f Gen.8.21.
Rom.7.18.

g Rom.7.24.

h Psa.143.2.
Apo.34.7.

i Psa.39.3.

k Psa.121.3.

l Psa.36.9.
Psa.139.
Iob 9.18.
Iere.17.10.
Iob 10.18.

[fol. 181r]

 

Wee dat ick ben gheboren.

 

Och gnadich God, ^mverhoort mijn stim

 

Stilt uwen grim

 

Vergheeft my mijn misdaden

 

Ontbint ⁿdes Duyvels banden vast

 

Den swaren last

 

Daer met ick ben beladen

 

Reyct my de hant

 

Maect my bekant

 

V ghenaed' groot

 

So heb ick gheen noot

 

So en can my niemant schaden.

 

Barmhertich ^oeewich Vader goet

 

V ghenade soet

 

Laet mijnder herten voelen

 

Op dat gherust sy mijnen sin

 

Wilt storten in

 

V ^ptroost die can vercoelen

 

Der sonden brant

 

Die den vyant

 

Gheschoten heeft

 

In al dat leeft

 

Vergift vanden Helschen Poelen.

 

Paulus u knecht den heylighen man

 

Schrijft ons daer van

 

En doet ons so verhalen

 

Trect ^qaen Gods wapen goet en sterck

 

Leeck ende clerck

 

En staet vast sonder falen

 

Doet wederstant

 

Vwen vyant

 

Dat ghy ontgaet

 

Zijn pijlen quaet

 

T'welck zijn der sonden stralen.

 

O God gheeft my dit wapen goet

 

Seer wel ghemoet

 

Wil ick dan gaen te strijde

 

Den ^rhelm, den kreeft, des geestes sweert

 

Veel eeren weert

 

Dat gort aen mijnder zijde

m Psa.55.1.

n 2.The.2.26

o Esa.63.16.
2.Cor.1.3.

p Ioan.1.36.
Acto.8.3.
Esa.53.7.

q Eph.6.17.
1.The.5.8.
Esa.59.17
Hebr.4.12.

r Ephe.6.4.
2.Cor.10.9.

[fol. 181v]

 

T'welck ^sis u woort

 

So gae ick voort

 

Dan ^tstae ick stijf

 

En waech mijn lijf

 

Hier mede t'allen rijden.

 

Nu gheeft my oock den stercken schilt

 

O Vader milt

 

T'welck ^vis een vast gheloove

 

Daer met so wil ick hubsch en fijn

 

Op de wake zijn

 

Dat my ^xniemant beroove

 

Der ^yvreden stadt

 

Den edelen schat

 

Der ^zsonden slaef

 

Die weeret aef

 

Dat hy my niet en verdoove.

 

Ten strijde waer ick wel bereyt

 

Voor grief noch leyt

 

En sou ick niet vertsaghen

 

Waert dat ick niet mijn meeste partie

 

Een quade prie

 

Dagelijcx met my ^amoest draghen

 

Daer van my vreest

 

Nu aldermeest

 

Sy mocht my schaen

 

End' oock verraen

 

En bringhen in sware plaghen.

 

Fenijnich ^bquaet is haren gront

 

T'is my wel cont

 

Ick heb seer wel bevonden

 

Sy heeft my meer ghebrocht ghevaen

 

Groot leyt gedaen

 

Met menighen swaren sonden

 

Daerom vrees ickt

 

En ben verschrickt

 

Int herte mijn

 

Voor ^chaer fenijn

 

Nu en ten allen stonden.

 

O God waer ick daer van ^dverloost

 

Ick ware ghetroost

s Luc.12.35
1.Pet.3.13.

t Sap.9.39.

v Eph.6.16.

x Colo.2.18.

y Apo.21.2.

z Rom.7.15.

a Rom.7.23.
Gala.5.17.

b Rom.3.15.

c Rom.6.16.
Ioan.8.34.

d 2.Pet.2.19
Matth.6.

[fol. 182r]

 

Niet meer en sou ick treuren

 

Daerom schelt my mijn sonden quijt

 

Maect my bevrijt

 

Van dese vyants versteuren

 

Helpt my Heer Godt

 

Wt ^fmijnder nodt

 

Dat ick u ghenaet

 

Door mijn misdaet

 

Niet ^gmeer en moet verbeuren.

 

Bekeert ^hvoort mijnen wech, O Heer

 

Dat ick niet meer

 

Vander waerheyt can dolen

 

Ws ⁱheylichs woorts den dieren pant

 

Dat recht verstant

 

Hout voor my niet ^kverholen

 

Gheen meerder schat

 

Begeer ick, dan dat

 

Op dat u knecht

 

Leere ^lu recht

 

Voert hem in dijner scholen.

 

Ten is doch ^mniet dan ydelheyt

 

Al s'werelts ghereyt

 

Hoe groot dat schijnt van weerden

 

Daerom weet ick noch ghelt noch goet

 

Daer mijn ghemoet

 

Aencleeft op deser eerden

 

Niet ⁿmeer dan een

 

Begheer ick alleen

 

T'welck blijft hier naer

 

Dats liefde eenpaer

 

Die laet my eewich gheweerden.

f Psa.36.14.
Psa.116.4.

g Ioan.8.11

h Psa.90.13

i Esa.40.8.

k Psa.119.30
Psa.119.43.

l Psa.119.27

m Iob 11.12
Ezec.1.2.
Psa.90.10
1.Ioan.2.16.

n Cant.6.9.
1.Pet.3.24.
Cant.7.10.