Dit is een schoon suverlijck boeckxken, in denwelcken ghy vinden sult veel schoone leysenen, ende gheestelijcke liedekens

Noch een ander schoon Lof-sangh van der geboorte Iesu Christi.

Gelovet zijtstu Iesu Christ,
Dat du mensche gheboren bist,
Van der Jonc-vrou dat is waer,
Des vrouwet sich aller Enghelenschaer,
Kyrieleyson.

Des eewiges Vaders eenige kint,

Nu men in der Cribben vint,
In onse arme vleesch ende bloet,
Vercledet sich dat eeuwighe goet,
Kyrieleyson.

Den aller weerelt Kreysz niet besloot,

Die licht in Marien schoot,
hy is een kindeken geworden cleyn,
Die alle dinck schout alleyn,
Kyrieleyson.

Dat eeuwige licht gaet daer her in,

geeft der werelt een nijen schijn,
het luchtet wel midden in der nacht,
Ende ons des lichtes kinderen maect,
Kyrieleyson.

Die Sone des Vaders goet van aert,

Een gast in de werelt weert,
Ende voerde ons uyt den jammerdal,
hy maket ons erven in zijnen sael,
Kyrieleyson.

Hy is op aerden gecomen aen,

Dat hy onser sich erbarm,
Ende in den hemel makende rijc
Ende zijnen lieven Engelen ghelijck,
Kyrieleyson.

Dz heeft hy ons alle gedaen,

Sijn groote liefde te toonen,
des vrouwet sich alle Christenheyt,
Ende dancke hem des in eeuwigheyt,
Kyrieleyson.