Een Nieu geestelijck liedt-boecxken(1618)–Anoniem Nieu geestelijck liedt-boecxken, Een– Auteursrechtvrijinhoudende veel nieuwe Liedekens, die welcke noyt in druck en zijn gheweest Vorige Volgende Een nieu Leys-liedeken, op de wijse: Van den cleynen Dies es lititie. GHy dochter van Syon reyn Siet u Coningh comt certeyn, Seer ootmoedigh slecht en reyn, Is hy ghebooren, Van een suyver Maghet uytvercooren. Siet den Enghel Gods voorwaer Brenght u dese blijde maer, Dat u salighmaker claer Is ghebooren Van een, etc. Loopt tot hem treet op den pat, Tot Bethelem in Davids Stadt Sult ghy vinden desen schat Die is ghebooren Van een, etc. [Folio D2r] [fol. D2r] Soeckt hem met de Herders ras, Die hem vonden dat hy was, In Bethlehem op dat pas, Is hy ghebooren. Van een, etc. Aensiet zijn armoede groot Ghewonden in doecken snoot Leyt in een Cribbe bloot, Die is ghebooren. Van een, etc. Knielt en valt voor hem te voet, En aenbidt hem met ootmoet desen jonghen Coningh soet Die nu is ghebooren. Van een, etc. Ontfangt hem met weerdigheyt Die nu in een Cribbe leyt Seer hoogh is zijn majesteyt die is ghebooren. Van een, etc. De Hemelsche Gheesten bly, Loven hem met melody, Die ons sal maken vry Is, nu is ghebooren. Van een, etc. Glorie is haren toon Sy Godt in den hooghsten throon, Onsen jonghen Coningh schoon, Die is ghebooren. Van een, etc. Vrede op Aerden fijn, Die van goede wille zijn, Den peys-maker op dit termijn Is nu ghebooren. Van een, etc. Een seer groot wonderlijck licht. Schijnt nu claer in ons ghesicht, Die de weerelt heeft ghesticht Is nu ghebooren. Van een, etc. Door dese gratieuse deught Sijn wy in Godt seer verheught [Folio D2v] [fol. D2v] En wy loven hem met vreught, Die is ghebooren. Van een, etc. Nu is dese hooghe Feest, Eeren wy hem alder meest, Met Lof-sanghen in den Gheest Die is ghebooren. Van een, etc. Saligheyt heeft hy ghebracht, Hem zy lof hoogheyt en cracht Die op den Heylighen Kers-nacht, Is ghebooren, Van een, etc. Glorie, lof prijs en eer, Sy den jonghen Sone teer Onsen Coningh Godt en Heer, Die is ghebooren. Van een, etc. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij