Nieu dubbelt Haerlems lietboeck, ghenaemt den laurier-krans der amoureusen

[Adieu Haerlem schoone Stede]

Stem: Al myn droefheyt moet, &c.

ADieu Haerlem schoone Stede
Wijt vermaert, en seer playsant,
Daer elck mach leven in vrede
Naer zijn lusten Triumphant;
Adieu Vrienden alghelijcke
Willet doch nemen in't goe,
Dat ick dus van Haerlem strijcke:
Want ick ben de weelde moe.

Adieu Vader, ende Moeder,

Om te trecken heb ick lust:
Godt den Heer is mijn behoeder,
Daerom weest niet ongherust;
Adieu Broeders groot en kleene
En Susters, leeft als de vroe,
Adieu mijn maets alghemeene,
Want ick ben de weelde moe.

Adieu Hans Hovijn verheven,

Adieu Francoys Soete fijn,
Joost van Neste daer beneven
En Ioris Vermeers devijn;
Dat ick dus van hier vertrecke
Is van weelden dat ick 't doe,
Adieu mijn maets, Hans van Necke, etc.

Adieu Hans Meeuwels ydoone,

Adieu oock Hans Beerenaert,
Vincent Goemaer, en Hans Boone,
Adieu oock Nijs Everaert,
Iaques Henry-block eendrachtigh,

[p. 22]

 

Armoede staet my nu toe,

 

Armoede ben ick deel deelachtich, Want etc.

 

 

 

Adieu Hans de Smet eerweerdigh,

 

Adieu Hans Huyvetter oock,

 

En Francoys Veraer erpeerdigh,

 

Adieu Abraham de Croock

 

En Guilliaem Geyns ghepresen,

 

Van Weelde dwinght my de schoe,

 

Adieu mijn Maets uytgelesen, want etc.

 

 

 

Adieu Ionghmans goedertierigh

 

Die hier niet en zijt ghenaemt,

 

Adieu Dochters seer manierigh,

 

Wilt leven ghelijck t betaemt,

 

Adieu Maets aen alle zijden

 

Armoe wort my een Roe:

 

Om my daer mee te kastijden, Want etc.

 

 

 

Prince mijn Vrienden loyaligh,

 

En mijn lieve Maets minjoot

 

Een geluckigh leven saligh

 

Wensch ick u uyt Liefden groot;

 

Dit Liedt moest ick u noch schincken,

 

Al had ick het met den bloe

 

Moeten schrijven sonder mincken, etc.