Nieu Aemstelredams Liedboek

[fol. 81]

Op de wijse: Alst begint.

ICk maeck geclach, Met reden op dese tijt,
Want ick en mach
Niet eens worden verblijt,
Van een deuchtsamige vrouwe
Die ick op eer en trouwe, So lang hebbe gevrijt

Sy is oock waert, Dat ick haer bemin,

Gheen schoonder expaert, Ic hier op Aerden vin
Haer eerbaer wesen
Mach so niet zijn ghepresen,
T'is meer in mijnen sin.

Helena en was, in schoonheyt noyt so rijc,

Noch op dit pas, is niemant haers ghelijck
Van verstandigher manieren
Gaet sy haer vercieren,
Haer deucht is autentijck.

Princesse siet, Al waert dat my den doot

In dit verdriet,
Met haer pijlen doorschiet,
Soo sou ic v lauderen, dus doet my die cleyn eeren
V dienaer in lijden groot.
FINIS.