Het hofken der geestelycker liedekens

[Die herderkens inden velden]

Een gheestelyc Liedeken, op die wyse: Opden hoeck van deser straten daer woont een vrouken fyn.

Die herderkens inden velden
Die waren wakende
[In Jhesus vi]erighe minne
Soo waren sij blakende
Soo waren sij blakende
Nv weyt mijn schaepkens weyt
Nv weyt mijn schaepkens weyt.

Ick sal mijn schaepkens drijuen
Op eenen hooghen berch        Op eenen &c
Daer is soo soete weyde
Veel soeter dan eenich merch        Veel soeter &c
Nv weyt mijn schaepkens weyt.        Nv weyt &c

Wanneer dat schaepken bletet
Verlieset eenen beet        Verlieset &c.
Het wertter door onlustegher
Het verlieset sijnen eedt        Het verlieset.

[p. ccxvi]

 

Nv weyt mijn schaepkens weyt.       Nv weyt.

 

 

 

Dan moety daer passeren

 

Al door dat ootmoedich dal        Al door.

 

Daer moet ghij leeren duycken

 

En stillekens swijghen al        En stillekens.

 

Nv weyt mijn schaepkens weyt.        Nv weyt.

 

 

 

U willeken moet ghij deruen

 

En gaen v seluen wt        En gaen.

 

Een anders wille te doene

 

Dat is soo goeden cruyt        Dat is.

 

Nv weyt mijn schaepkens weyt.        Nv weyt.

 

 

 

Nv bidde ick v mijn schaepkens al te samen

 

Dats neempt u seluen waer        Dats neempt

 

Weest hongherich na die deucht

 

Volcht den goeden herder nae        Volcht.

 

Ny weyt mijn schaepkens weyt.        Nv.

 

 

 

Als wij daer bouen comen

 

Al daer den herder is        Al daer.

 

Dan sullen wij hem dancken en louen

 

En houden daer al kermes.       En houden.

 

Nv weyt mijn schaepkens weyt.        Nv.

 

 

 

Dan sal heer Iesus segghen

 

Nv compt mijn soete bruyt        Nv.

 

Comt weyt hier wt mijn sijde

 

Dat soete Goddelijck cruyt        Dat.

 

Nv weyt mijn schaepkens weyt.        Nv weyt.