Godevaerts kintshede

[Godevaerts kintshede]

[fol. ra]

 

[D]ie wae[r] hi [rijt met h....]

 

[V]an alden gonen diere riden

 

[N]e voerer gheen vergoud ghesmide

 

[S]i voerent alle wit van tinne

5

[G]hi sult andere chierheit bekinne

 

[B]i mire wet ne twifelets niet

 

[E]er ghi den hertoghe siet

 

[D]en eidelen jonchere wel gheboren

 

[A]ls dat die conijnc began horen

10

[S]prac hi bi mamette ic bems vroet

 

[U] here es een eidel bloet

 

[S]int hi onthout dustane partye

 

[D]ie conijnc tybaut van arabye

 

[D]ie welke den berech van goude

15

[I]n sijn lijf hadde in sire ghewoude

[fol. rb]

 

[...............]

 

viij^m. ridders ghewapent wel

 

Elc heift bescreden .j. ors snel

 

Het es werd wel .C. pont

20

Ende bin der seluer stont

 

So es die scare leiden

 

Ende die derde cam ghereiden

 

Doe wonderets den conijnc mere

 

Want waren dene ghetoomt zere

25

Dese waren ghetoomt meer

 

Doe sprac hi ten abt geheer

 

Dat v mamet lonen moete

 

Salic den hertoghe nv ghemoeten

 

REchte waerheit in warer dijnc

30

Sal ic v segghen here conijnc

 

[.............]en

[fol. va]

 

Waren hier wel .x^m. vieliaerden leden

 

So soude mijn here comen ghereden

 

Die es gheprijst bouen allen prenchen

35

Want hi es de preutste mensche

 

Die men nv ter tijt

 

Soude vinden in de werelt wijt

 

Bin dat si dese tale seiden

 

So sijn die vieliaerden leiden

40

Ende daer naer camen gheuaren

 

Wel .lx. jongher riddaren

 

Die hem voeren onderstek[end]e

 

Mallijc vp anderen sprekende

 

In tekenessen doe ic v weten

45

Datter hem dhertoghe [b]i soude vergheten

[fol. vb]

 

[............w..wij.]

 

Want met gode was hi vercoren

 

Eer noit sijn moeder was gebore[n]

 

Sonder galle es hi ende sonder smet[te]

50

Cornubrant sprac bi mamette

 

Here abt ghi prijstene zere

 

Ende in wister ooc min no mere

 

Waer vinden te lachterne an

 

Maer bi den voghet tieruogan

55

Ic wilt hem ware lief

 

Dat icken sonder mijn grief

 

Spreken moeste minen kies

 

Ende ic hem soude dies

 

Berecht doen vppenbare

 

Al vte ende vute wie ic ware