Een devoot ende profitelyck boecxken

[p. 194]

⁺

+ Fo. xcij.^r-Fo. xcij.^v

N^o. CLXIII.aant.

1.
Hoort al na mi/
verstaget wel mijn reden
Weest vrolijck ende bli,
scout nijt tot allen steden
Want die wil staen in nijt/
die wort veel vruechden quijt/
tot alder tijt
Dus teghen v sinnekens strijt
ende stelt v herte in vrede/ in vreden/ in vreden/ in vreden.
2.
Nu sietmen veracht
Al op den dach van heden
Die wijsheyt verpacht
Die wort nu af ghesneden
Sij hebben hier dat regiment
Die in sonden sijn verblent
This wel bekent
Maer weest ghi diligent
Ende stelt v herte in vreden.
3.
Alsiet ghi nu
Die sommighe rustich treden
Soe denct ende peyst bi v.
Het is hier haeft gheleden
Sij triumpheren hier
Sij maken blide chier
In wijn oft in bier
Schout altijt quaet bestier
Ende stelt v herte in vreden
4.
This al confuys
Van bouen tot beneden ||

[p. 195]

 

⁺

 

Een yeghelijck weet sijn cruys

 

God laet hem wel met treden.

 

Die nu wat hier lijdt

 

Hier namaels hem verblijt

 

Ende wort beurijdt

 

Dus teghen v sinnekens strijt

 

Ende stelt v herte in vreden. &c.

 

5.

 

Princesse/ al watmen seyt

 

Van desen nieuwen seden

 

En wert doch niet verleyt

 

Al wort ghi seer ghebeden

 

Ondersoect die gheesten wel

 

Oft sij sijn God rebel

 

In haer voortstel

 

Ende schout alle leeringhe fel.

 

Ende stelt v herte in vreden

 

In vreden/ in vreden

+ Fo. xcij.^v-Fo. xciij.^r