Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Dit is die wise van Ick weet noch een maghet 1.
Ten was noyt mensche van sonden van sonden so versaecht
Had hijs groten rouwe
En Gode sijn liden claecht
| |
[pagina 117]
| |
Ende voort op hope leuet
God die heere is al so goet
Dat hijt hem al vergheuet.
2.
Wij willen God gaen dienen
Hi salt ons loonen bat
Hi wil ons gaerne gheuen
Sinen eeweliken schat
Die niet en mach vergaen
Daer eenen dach meer vruechden is
Dan hier vijfduysent iaer
3.
Aen God van hemelrike
Staet alle mijn toeuerlaet
Want alle dese werelt
In sijnder hulden staet
Daer sonder niet en mach sijn
Eenen corten ooghenblick
Dat is ons allen aen schijn
4.
Hi wacht hem also wale
Die hem te wachten heeft
Men vint in niemant trouwe
In gheenen mensche die leeft
Dan aen den rijcken God
Wouden wij dat wel verstaen
Wij onderhielen sijn ghebot
5.
Dese boose werelt
En is anders niet
Dan loos/ quaet/ ende vals/
Ongbestadich als dat riet
Dat voer alle winden helt
So wie der werelt volgen wil
Sijn herte blijft onghestelt
6.
Dese valsche werelt is
Broosscher dan een ghelas
Ten was noyt eenich mensche
Hoe hooch hi gheboren was
Hi en sterf/ ende wert niet
Met alle sinen groten goede
Daer hi hem toe verliet
|
|