De C.L. psalmen des conincklijcken propheten Davids

[fol.  Ccxviij.v]

Een ander Dancksegginghe.

Op de Voys: Nu vreucht u Lieve Christen ghemeyn.

HEEr Christ wy dancken dijner goed',
En dijner Liefd' verheven,
Die ghy aen ons bewijsen doet,
In dien ghy hebt ghegeven,
V selven gantschlijck over al,
Op dat wy wt der Sonden Tal,
Verlosset moghen Leven.

2. Ghy hebt u Jae verschoonet nicht,
En syt voor ons ghestorven,
Daer door het al is wtghericht,
Dat wy Ghenaed' verworven,
Vergevingh' onser Sonden gaer,
End GOdes Kintschap Eewich daer
Nu int Gheloof verborghen.

3. Dijn Lichaem ons nu spijse meest,
Dijn heylich Bloet ons drencke,
Dat wy ghestercket in den Gheest,
Den Ouden Mensche krencken,
End wassen in der Nieu gheboort,
Op dat het Broot der kinder voort,
Den honden niet ghereycket.

4. Help dat wy oock der Liefde werck
Een yeg'lijck so bewijsen,
Als ghy ons dat bevelet sterck,
Dat wy tot dijnen Prijse,

[fol.  Ccxix.r]

 

Dy Inghelijvet leven vroe,

 

Dijn Avontmael ontfanghen soe,

 

Dat wy volstandich blijven.

 

 

 

5. Ghedencken dijner Weldaet groot,

 

In tijdts dat wy hier Leven,

 

Verconden dijnen bitter'n Doot,

 

Tot ghy ons sult Verheven,

 

Te nemen in dat Rijcke dijn,

 

Daer nimmer sal gheen Eynde zijn,

 

Des wilt Godt prijsen, Amen.