De C.L. psalmen des conincklijcken propheten Davids
(1625)–Anoniem De C.L. psalmen des conincklijcken propheten Davids–
AuteursrechtvrijOp de Voys: Als hier nae volghet. DIt zijn die Heyl'ge Thien Ghebodt,
Die ons gaff onse HEEre Godt,
Door Mosen synen Dienaer trouw,
| |
[Folio Ccv.v]
| |
 Hooch op den Berch Synai, Kirieleyson.
2. Ick ben alleyn dijn Godt end Heer
Gheen Goden sult ghy hebben meer,
Ghy sult my gantsch vertrouwen dy,
Van herten gront lief hebben my,
Kirieleyson.
3. Ghy sult niet bruycken tot Oneer,
Den Naem van uwen Godt en Heer,
Ghy sult niet prijsen Recht noch goet,
Dan wat Godt selfs spreeckt en doet,
Kirieleyson.
4. Ghy sult heyligen den sevenden dach,
Dat ghy en dijn Huys Rusten mach,
Ghy sult van dijn Doend' laten aff,
Dat Godt syn Werck in dy schaff,
Kirieleyson.
5. Ghy sult eeren end g'hoorsaem zijn
Den Vader end der Moeder dijn,
End hoe dijn Handt hun dienen kan,
Soo sult ghy langhe Leven haen,
Kirieleyson.
6. Ghy sult niet dooden toornichlijck
Niet haten, noch selfs wreken dy,
Ghedult hebben end saechten Moedt,
End oock dijn Vyandt doen dat goet,
Kirieleyson.
| |
[Folio CCvj.r]
| |
7. Dijn Trouw' sult ghy bewaren reyn,
Dat oock dijn Hert gheen ander meyn,
End houden cuysch dat Leven dijn,
Met maticheyt end sober zijn,
Kirieleyson.
8. Ghy sult niet stelen ghelt noch goet,
Niet Woeck'ren yemants sweet en bloet,
Ghy sult Opdoen dijn milde handt,
Den Armen Menschen in u Landt,
Kirieleyson.
9. Ghy sult gheen valsche Tuyge zijn,
Niet lieghen op den Naesten dijn,
Syn Onschult sult oock Redden ghy,
En syne schande decken vry,
Kirieleyson.
10. Ghy sult dijns Naesten Wijff end Huys,
Begheeren niet, noch yet daer wt,
Ghy sult hem wenschen alle goet,
Als dy dijn herte selver doet,
Kirieleyson.
11. Dees G'boden ons ghegeven zijnt,
Dat ghy dijn Sond' O Menschen kint,
Bekennen sult end Leeren wel,
Hoe men voor Gode Leven sel,
Kirieleyson.
12. Des help ons de Heer Jesus Christ
Die onse Midd'laer worden is,
Het is met onsen doen verloorn,
Verdienen doch maer Ydel Thoorn,
Kirieleyson.
|
|