De C.L. psalmen des conincklijcken propheten Davids

Den Lofsanck: Ghelovet zijt ghy JEsu CHrist,

Op syn eyghen Voys: Als hier nae volghet.

GElooft soo zijt ghy JEsu CHRIst,
Dat ghy Mensche gheboren bist,
Van eener Maghet, dat is waer,

[fol.  CLxxxiiij.v]

 

 

Dies vrolick syn der Enghel schaer,

 

Al le lu ya.

 

 

 

2. Des Eewighen Vaders eenich kint,

 

Nu men in der Kribben vindt,

 

In ons Catijvig' Vleesch end Bloet,

 

Vercleedet hem dat Eewig' Goet,

 

Alleluia.

 

3. Dien alle Werelt niet besloot,

 

Die leydt in Marijen schoot,

 

Hy is een kindlijn worden cleyn,

 

Die alle Dinck Erhalt alleyn,

 

Alleluia.

 

4. Dat Eewig' Licht gaet daer in fijn,

 

Geeft der Werelt een Nieuwen schijn,

 

Het leucht wel midden in der Nacht,

 

Heeft ons des Lichtes Kintschap bracht

 

Alleluia.

 

5. De Soon des Vaders God van aert,

 

Een gast hy in der Werrelt waert,

 

End voert ons wt den Jammerdael,

 

Maeckt ons Erven in synen Zael,

 

Alleluia.

 

6. Hy is op Aerd' ghecomen Arm,

 

Dat hy onser hem Ontfarm,

 

End in den Hemel maecke Rijck,

[fol.  CLxxxv.r]

 

Jae synen lieven Eng'len ghelijck,

 

Alleluia.

 

 

 

7. Dat heeft hy alles ons ghedaen,

 

Syn groote Liefd' te Thoonen aen,

 

Dies Vreucht haer alle Christenheyt,

 

En Dancken hem in Eewicheyt,

 

Alleluia.