Antwerps liedboek(2001)–Anoniem Antwerps liedboek– Auteursrechtelijk beschermd Vorige Volgende 16 Van cort Rozijn. 1 COrt Rozijn wel lieue neue Ghi zijt seer stout ende onuersaecht Ghi sult rijden van stede tot stede Van Vlaenderen make ick v ruwaert. 2 Graue van vlaender des doe ick noode Ick sie so noode mijn ongeuoech Ick leue so noode bi quaden ase Want selue hebbe ick goets genoech 3 Cort Rozijn v spitighe woorden En sullen v niet te goede vergaen Al voor dat huys van Repremonde. | Sal ick v doen v hooft af slaen 4 Graue van Vlaender ghi hebt een dochter. Si thoont mi so fieren ghelaet Daer sal ick noch eenen nacht bi slapen Al soudt mi naemaels wesen quaet. 5 Die heer van Vlaender keerde hem omme. Hi was toornich ende onghemoet Cort Rozijn ick salt v loonen Desen toorne die ghi mi doet 6 Heere van Vlaender ick bidde ghenade. Den doot en hebbe ick niet verdient This gheleden een corte wijle. Dat ick was v beste vrient 7 Cort Rozijn staet achterwaert Als die maeltijt is ghedaen Al voor dat huys van Repremonde. Daer salmen v dat hooft af slaen 8 Graue van Vlaender ick bidde genade Voor mijn wijf ende voor mijn kint Voor mijn vrienden ende voor mijn maghen [Folio 9v] [fol. 9v] Ende voor mijn schoon ionghe lijf 9 Doen die maeltijt was ghedaen. Cort Rozijn was daer bereyt Men ghinc daer zijn hooft af houwen Het coste hem alle zijn suyuerheyt 10 Fier ghelaet van schoonen vrouwen Heeft menighen man in dolen ghebrocht Dat machmen aen cort Rozijn aenschouwen Het heeft hem sinen hals ghecost 11 Graue van Vlaender ghi zijt een heer Gaet ghi nv cort Rozijn dooden Het sal noch haestelijc wederkeeren Dat ghi dat sout doen seer noode 12 Het geschiede op sinte Laureys dach Des morghens vroech bi tijden Dat die coninc van Enghelant Op Vlaenderlant wilde strijden 13 Alsser den dach ten auont quam Haer en was niet badt te moet. Dan oft Vlaender ware mijn | Ende Brugghe laghe in coude coelen 14 Wi willen gaen bidden god den heere ende maria die gods moeder was Voor Cort Rozijn den schoonen man. Want hi den doot ontschuldich was Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd